انتخابات الوطني

هل تتحقق الاحلام؟

هذا السؤال الذي دار بخلدى عندما علمت بإنتخابات الحزب الوطني , بداية اعتقد ان الامور مجرد همبقة و كلام في الهوا لكن مع الوقت اكتسفت ان الامور جادة فعلا فقد تم اسقاط عضوية المكاتب التنفيذيى للحزب من الوحدة الحزبية حتى الهيئة العليا و الابقاء فقط على امين الصندوقى و امين العمال في كل وحدة حزبية ليرأسو الانتخابات
اما بخصوص الانتخابات و التي بدأت من 22/8 و تستمر حتى 9/9 فهى طحن جدا و حدثت للأسف بعض المشدات و الضرب بين المرشحين المهم ان كل هذا يؤكد ان الحزب يغير جلده و يفكر جديا في التغير حتى انهم رفضوا ان تكون هناك وحدة حزبية تنتهي الانتخابات بها بالتزكية و لكن السؤال الذي يطرح نفسه هل سيستنر هذا القرار في انتخابات رئيس الحزبو ان يكون هناك منافس للرئيس الحالى ؟

غسيلنا الوسخ

غسيلنا الوسخ قبل أيام غير بعيدة قررت أن اكتب في موضوع فاروق حسنى و الحجاب و بدأت بالفعل لكنى توقفت وسألت نفسي من

يقرأ هذه المدونات و لمن ينتمون أهم مصريون مثلنا ـ أعنى كلهم ـ أم من مجتمعات أخرى ؟ و أعدت صياغة السؤال
مرة أخرى . لماذا نحن فقط من نكتب و نسخر من بلدنا و ما فيها و هم لا يكتبون ؟ هل يعيشون في المدينة الفاضلة و
بين الملائكة ونحن نعيش بين الشياطين و الأبالسة ؟ و توقفت و أعدت حساباتي مرة أخرى و تذكرت المثل القائل
"
بلاش ننشر غسيلنا الوسخ قدام حد غريب " , لماذا نحن فقط من يهين حكومته ؟ هل هي سيئة و الحكومات الأخرى
فاضلة ؟ , أم هم يخافون أن يتكلموا في ذلك ؟ أذن فلدينا حرية غير موجودة في بلاد أخرى , فمجرد أن تفكر في أن
تهاجم بلدك ـ المتمثلة في حكومتها ـ فأنت لا تخشى شئ و ما دمت لا تخشى شئ فأنت حر , أم انهم يحبون بلادهم و لا
يريدون أن يظهروا مساؤهم أمام الآخرين؟ فهذا معناه أننا لا نحب هذه البلد . و على رأي المثل " حبيبك يبلع لك الزلط
و
عدوك يتمنى لك الغلط " , و السؤال الأخر هو؛ لماذا نرمي كل أخطأنا على الغير دائما ؟ هناك مقولة تقول " أنك إذا
أشرت على أحد بسبابتك فإنك تشير بباقي أصابعك إلى نفسك " . فهل بالصياح و السباب و اللعان سنصبح مجتمع افضل
و كما نسخر دائما " دعونا نعمل في صمت "ـ انهزمنا في 67 عشان هيصنا و فنجرنا بقنا , و انتصرنا في 73 عشان
دارينا على شمعتنا و عملنا في صمت , ده اللى أنا عايز اوصله ـ ,
الغلاء يجتاح البلد هل بسبب الحكومة أم بسببنا نحن ؟ عندما تجد بائع يغالى في ثمن بضاعته لماذا تشتري منه ؟ لما لا
تقاطعه و تدعو غيرك أن يفعل ذلك ؟ أعتقد أن ما نحتاجه لكي نعيش هو كسرة خبز و شربة ماء هما ما يضمنا لنا الحياة و
ما غير ذلك فهو ترفيه اعتدنا عليه - هذه ليست دعوة للتخلف أو للتقشف كما قد يفهمها البعض- , أذن
قد نستغني عنه فمن قبلنا لم يكونوا يعرفوه , وتذكروا الفقير الذي قد لا ينزل جوفه الطعام لأيام هل مات؟ أذن اعتقد إننا
نستطيع أن نقاطع كل من يستغلنا فدعونا نجعلها حملة و ننفذها اعتقد أن هذا هو التحرك الإيجابي ابدأ بنفسك و ثم ادعوا
الآخرين إذا استطعنا أن نفعل ذلك في نطاق حيينا أعتقد إننا سنغير المجتمع كله فقط نبدأ فمشوار الألف ميل يبدأ بخطوة . و كما قال كونفشيوس " افضل للعالم أن توقد شمعة من أن تلعن الظلام " مش كده و آلا إيه ؟

كلام

الملك يطوف القاهرة

اعلم انى تأخرت في الحديث عن عن الفرعون المصري و ان الكلام فى هذا الموضوع ضائع فقط اردت ان اصف احساسى الغريب الذي بأن رمسيس فعلا على قيد الحياة فقط تذكرت الكرسي الذي كان يجلس علية الفرعون و يحمله الخدم فقد كن مشابه لتلك العربة التى حملت التمثال

ديل الكلب

" طبعتك ما طبعت و الطبع فيك غالب و ديل الكلب ما ينعدل ولو علقوا فيه ميت قالب "

حوادث النقل التي حدثت مؤخرا في مصر و الذي راح ضحيتها من الحكومة كشئ مبدئي رئيس هيئة السكة الحديد, ان الحوادث موجودة فى كل انحاء العالم و لابد ان نعترف بذلك, ولكن انا اقد هنا انه لا رقابة من الصغير إلى الكبير لذا فسوف ننحدر

المشاركة السياسية للشباب

ده كان عنوان الندوةاللى اقيمت في ملتقي الادباء الشبان بجامعة المنصورة و الغريب انها كانت بتدعو لديموقراطية و فرض علينا حضور الندوة المهم السؤال الذي لم يسأله احد هو هل عند الكبار القدرة على تحمل المشاركة السيسية للشباب؟ و الاهم هل لدى الشباب القدرة على المشاركة السياسية بوعى؟

لبنان بين الحكومات و الشعوب العربية

لبنان عروسة الدول العربية و سحرها تغتال الان بأيدي الصهاينة و نحن .....................................؟

لقد فعل حزب الله ما قد حلمنا به و ذاق الكيان الصهيوني ويلات الحرب و طعم الرعب لقد فقد الشمال الصهيوني طعم الأمن و أدرك ان العرب يسنطيعون ان يبيدوهم لو ارادو ـأقصد لو كان عندهم دم ـ

الغريب هنا هو المواقف المتناقضة بين الحكومات العربية و الشعوب فالشعوب مع حزب اله و المقاومة الفلسطينة و الحكومات على الحياد و قد يكون البعض مع الصهاينة و لكنى اجزم ان الحكام العرب يتمنون ان يكونوا هم حزب الله ولكن السياية لعنها الله تقف حائلا دونما كل شئ , قد يكون موقف بعض الحكام بالفعل مع الصهاينة و لكن قد يكون البعض موقفه مغاير لما اعلن فهم يعرفون ما لا نعرف و يرون ما لانرى و يفعلون ما لا نعرفه .

لكنى على الرغم من السياسة و السياسين كنت اتمنى ببيان يخرج عن الاعضاء الدائمين بجامعة الدول في اجتماعهم الأخير ان يعلنوا بعد اعلان فشل عمليات السلام اعلان تهديد ان لم يكفوا الصهاينة عن ضربهم و يقوفوا اطلاق النار ستهاجم الدول العربية كلها و تعلن الحرب عليها المشكلة ان دول الجبهة هى التى ستذوق نار الحرب و الحرب ما العنهاو المشكلة ان العرب في وقتنا الحالى يتبنون النظرية الرائعة و المبدأ المهم " الانا مالية " الذي يجعلهم يسيرون بجانب الحيط و بداخلة متناسين اننا افضل منهم ز اكثر منهم قوة فنحن اصحاب حق و صاحب الحق قوي و لكننا اصبحنا غثاء السيل

اتمنى من الله ان تخرج القمة العربية الزمع عقدها بشئ غير الإدانه و التنديد و التصفيق و الا يتشاروا مع بعضهم البعض و الا يخرج علينا بعضهم بإقتراحات بدوية و عنترية

اللهم وفق ولاة امورنا و اجعلهم ياربنا ذوى بأس و رجال أفعال حقيقة و أقوال

الشــــــــائـــعة

سمعنا كتير عن الشائعات الخاصة بالشخصيات العامة زى مثلا اعدام بهاء سلطان بتهمة الجاسوسية غيرها بس حد جرب ان الشائعة تطلق عليه هو ؟ ما احساسك و انت تسمع اشياء عنك لم تحدث ؟

اما انا فقد مررت بهذه التجربة لقد خرجت الشائعات تلاحقنى بالكلية بشكل بشع في البداية كنت واجها بحدة و عنف و أرد في وجه كل من يتكلم عنى ـ بالطبع هم اشخاص لا يحبونني لأني لست معهم و اشكل و اصدقائي جبهة مضادة في النشاط داخل الكلية ـ الا انني و مع الوقت اكتشفت ان مطلقي الشائعات قد صدقوها مما ادى الى انهم اعتبرونى قوة داخل الكلية فبدأو يقتربو منى و كفو عن هدم ما اقوم , و مما زاد من قوة تصديقهم لهذه الشائعات قيام اصدقائي بتأكيدها وعلى رأسهم أدم و السندباد .

على الرغم من هذا فانا اكره الشائعات بشدة و لكن هل ما قمت به صح ام خطأ؟

*************************************************

الجديد مع مارك توين

طفلة عجوز 2 ..........................كتاباتي

يوميات طفلة 2 ...........................يوميات

ماذا تفعل لو كنت مكانه.........................ممكلة الاحلام

اى كلام

اى كلام

خلصت الامتحانات و كنت عايز اكتب لقيت مواضيع كتير قثلت اكتبهم كلهم و قد كان

* يوم البيئة العالمى

منذ ايام احتفلنا بيوم البيئة العالمى و تذكرة المترو كانت بخمسين قرش ـ حتى انا و زميلى قلنا نجيب كام تذرة يمكن تنفع رغم اننا معانا اشتركات المهم اليوم ده كان موافق ايه افتكرتوا 5 حزيران ( يونية ) اليوم ده بيفكروا بحاجة يالا مش مهم .

قبل مانسى ابو الغيط قدم طلب للامم المتحدة بتغير اليوم.

* حجاب الفنانات

البرامج ماسكة الموضوع ده و قرفتنا خلاص انا ما بقتش عارف هما عايزين ديموقراطية و اللا لأ هو مش كل واحد حر هايفة وروبي و اليسيا يتمشخروا و يتميعوا مش عاجبهم يتحجبوا برده مش عاجببهم طب يعملوا ايه , و عمنا اسمة اتور عكاشة ماسك الغلبانه عبير الشرقاوى في برنامج اسهر معانا على النيل للمنوعات ـ اصل احنا معندناش دش ـ و معاه الفاتنه الغرور ـ زميلة نفرتيتي ـ سلمى الشماع طحنوها وازاى تمثل بعد ما تحجبت و لو تعرض عليه مشهد واحده قاتله توافق هو مش القتل حرام ...... ردو انتوا بقى.

* عرض خاص شارك في تلت مظهرات تكسب موبيل هدية

اصبحت المظاهرات زى المسرحية اللى بتيجى كل يوم خميس على الاولى .

الموضوع خاص بالقضاه الباقي يشارك ليه قانون السلطة القضائية هي مطلبات ادارية في اختصاصات القضاه لكن الكل جرى فرصه ـ عايزين جنازة و يشبعوا فيه لطم ـ زى كل الحركات اللى طلعت في البلد باسميها اللى جايبنها من على القهوة ـ كفاية , حرام , شايقنكو , عافينكوا , شاتمينكوا , طردينكوا , و سميركوا لأجهزة المحمول

انا كده خلصت كلامى اللى كان مجرد كلام اي كلام

*************************************************

الجديد

مطاردة ................... كتابتى

الاقيك فين يا حب ............مملكة الاحزان

يوميات طفلة ...............يوميات

وجهة نظر 5

ابــــــــــــــــــــــــن امــــــــــــــــــــــــــــــــــه
خرجت علينا د/منى حلمى ابنة العبقرية صاحبة الافكار الالمعية د/ نوال هانم السعداوي بتقليعه جديده مثلما تفعل والدتها " واقلب القدرة على فمها تطلع البنت لامها "الاو هى ـ وزى ما كتيير تابع ان المولود ينسب لأمه يعنى د/ منى حلمي اصبحت " منى نوال حلمي " و د/ نوال السعداوى اصبحت " نوال زينب السعداوى" و هلما جرة هكذا اطلوا علينا من الاتحاد النسائي ـ الذى لم اعلم عنه سوى من هذا الاقتراح ـ و حجتهم ان أولاد السفاح ينسبوا لأمهاتهم مثلما أفتى المفتى ـ للعلم المفتى قال ينسب لأهل امه ـ ولأن الجهل ليس له حدود فقد فسرو الفتوى تبعا لاهوائهم و اخذوا من الدين ما يريدون .
عندما قررت ان اكتب هذه المدونه ـ والتى اخرجتني من صمتي و لو مؤقتا و استطعت ان اكتب شئياً ـ كان الغرض من المدونه هذه هى مجرد التهريج مش عارف جه في دماغي لو الموضوع ده حصل حيبقى الشعور ايه ؟ فرضا واحدة اسمها ست ابوها و ابنها اسمه عبد الجبار يبقى الواد اسمه " عبد الجبار ست ابوها " اسم مش راكب والا المصيبة " وائل ماهيتاب " و اخوه " هيثم ماهيتاب " و بعد ما كان الواحد مش عجبه اسم ابوه عشان دقه قديمه او غريب و زميله بيتريقوا عليه ـ زى ناس كتيير اعرفهم و انا واحد منهم لان زميلي اطريقوا عليه كتير لكنه اصبح اسم شهرة بالنسبة لى ـ يفكر يغير اسم امه المهم كنت عايز اعرف تصوركم لو الموضوع ده حصل ايه المواقف اللى

ممكن تحصل بسببه.

ياريت تتخيلوا موقف تسببه هذه الفكرة

التعليقات السابقة

karakib said...
imken kol 7aga betkoun 3'ariba fel awel ! ba3d keda benet3awed 3aliha ...kol shi2 7'areg 3an el mo3tad msh ma2boulana msh ma3 el ektera7 taba3an ana bass batkalem 3ala fekter el ta3'ir fih 7ad zatho ....3amatan ana awel 7aga shatedny lel blog dah esmoh 7elw awi:)antika
3:03 PM

نور الايمان said...
ارى اننا فى زمن صعب هانت على البعض المبادىء والقيم بل والدين مقابل الجرى والسعى وراء المال والشهرة من تتكلم عنهم هم من احباب خالف تعرف اعتقد ان معالجة هذة الامور بالبعض عنها وعن اصحابها لانعطى لهم اهتام لايستحقون الوقت الذى يضيع معهماختك نور
3:54 PM
...دنيتي said...
هههههههتخيل لو الموضوع ده فعلا انتشر ويبقى اسم الرئيس الجاي جمال سوزان
9:00 PM

admelmasry said...
طب وفيها ايه مش بزمتك وائل ماهيتاب اسم شيك ؟
12:54 PM

change destiny said...
أولا أنا رافضة الفكرة بس مش لنفس السبب ثانيا أنا رافضة تعاملك مع الفكرةالفكرة كانت انها تضيف اسم الأم لاسم الأب في الألقاب و دي فكرة مش مناقضة للدين و الدليل على دة الأسامي اللي كانت أيام الرسول كان فيها ألقاب للأم أو للجدة و حتى بعد كدة أيام الصحابةبيتهيألي مش محتاجة أذكر مثال أقوى من ابن تيميةلكن الفكرة نفسها مش عملية يعني حفترض ان محمد ابن حسن و سامية و سامية بنت فادي و أماني و حسن ابن أحمد و نورايعني اسم محمد الثلاثي محمد سامية حسن أماني فادي نورا أحمد ؟ دة اسم ولا جمعيةلكن أسلوب مناقشتك للفكرة مستفذ جدا ... لو كنت قلت من مية سنة ان الأرض مش محور المجموعة الشمسية كنت اتعدمت .... لو كنت قلت من متين سنة ان الانسان حيعمل طيارة كانوا قالوا عليك مجنون .... لو كنت قلت من خمسين سنة ان ختان البنات غلط كانوا قالوا عليك كافر ....يعني لازم يبقى عندنا مرونة في تقبل فكر الآخرين عشان يبقى عندنا ابداع و ابتكار عشان البلد دي تتقدم . لازم تناقش الفكرة مش تتريق عليها
2:29 AM

marktwain said...
اولا شكرا لكل من رد ثانياعزيزتي changeانا لم اسخر في مقالى هذا و لم تطرأ فكرة السخرية على عقلي بالمرة و لسبب واحد هو ان الموضوع اتفه من ان اسخر منه .لقد كان الغرض من المقال هو مجرد تصور لو أن هذا حدث ماذا قد يحدث و أردت من الزائرين ان يسردوا قصص تخيلوها.اما بخصوص تللك الفكرة لا أعلم هل تعرفين صاحبتها نوال السعداوي و افكارها التى تري بها الشهرة ـ وضرب النار كمان ـ ح أقولك فكرة من أفكارها " قالت :" أن الطواف حول الكعبة عادة وثتية " فبالله عليكي هذا عقل يخرج منه أفكار متقدمه اما موضوع الارض و الشمس فده كان أمر علمي بحت بس لأن الكنيسة كانت هى من تسيطر على مقاليد الحكم ففعلت ما فعلتفي العلم انطلق بافكارك كما تشائينلن يمنعك احد . و لكن ان تدخلى في ثوابت انزل الله بها كلاما فهذا عبث و ليس التقدم هو ان تسخر من الاديان و تنكرها و تخرجها من حياتك تخيلي معى ماذا لو اخرجنا الاديان من حياتنا بكل تعاليمها ماذا سيحدث ارجو الا تغضبي منى
7:56 PM

change destiny said...
أنا مش زعلانة منك . أنا بس بحاول أقولك فكر في الفكرة قبل ما ترفضها بنمطية و ادرس و اقرا مهما كانت الفكرة في تخيلك تافهة ممكن تكون صح أو ممكن اثباتك لكونها غلط يقنع ناس تانية كانت بتفكر فيهارأيي صواب يحتمل الخطأ و رأي غيري خطأ يحتمل الصواب
5:09 AM

وجهة نظر4

عدت اليكم مجدد لنكمل كلامنا عن الحب. الحب انواعه كثيرة لكنى استكلم عن نوعين فقط وهما ( حب الوطن ) و الحب المتعارف عليه. حب الوطن: بالنسبة لي حب الوطن هو اما فرض عليك و اما طواعية , اما حب الفرض فهو لانك لاتعرف غيره وطن لذا فلن تهتم به كثيرا لانك قد تطمح في الهجرة ألى الخارج وبذلك قد يصبح لك وطن جديد و تنسى وطن الاصلي. اما حب الطواعية او الاختيار هو ان تحب هذا البلد بما فيه من عيوب قبل المميزات. حتى لا اطيل الحب الاخر فنحن قد نشبهه بالانسان العلقة و هي المرحلة التي تلى مباشرة النظرة المضغة وهي مرحلة الاعجاب التكوين و هي مرحلة التفكير و هى قد تطول و قد تقصر ثم ينشق الرحم فيخرج مارد الحب هذا المارد اما ان يجعلك في قمة سعادتك وام ان يجعل حياتك جحيم المهم و لان كل مفترى نهاية فالحب ايضا ينتهى كيف....؟ بالزواج.... لا تتعجبوا فحب الازواج مختلف تماما عن ذلك فهو حب واقعي يقف على ارض صلبة اعذورني فلن احدد سؤال هذه المرة لأن حالتي المزاجية في الحضيض................

التعليقات

ِAhmed Hassan said...
انا مقتنع ان كل التنظيرات حول الحب هي تنظيرات فاشلة كما اني مقتنع ان من غير الممكن ان نضفي صيغة شعورية علي علاقة الفرد بالوطن لان مفهوم الوطن مفهوم مرن انا اكرة مصر التي اراها في الاغاني الحماسية والوطنية اكره سيارتها الفارهة وشعبها اللي بيلمع وشوارعها المغسولة وصورة حسني مبارك الوطن شعور يختلف من شخص لشخص لا يمكن الامساك به يحمله كل ةاحد في ذاته ولا يمكن التعبيرسيدي .. اخرج من القولبة والتنميط اخرج من دروس كتب القراءة اكتب نفسك وصدقني ستبدو أكثر جمالا
7:06 PM

marktwain said...
صديقي العزيز ان ما اكتبه هو شعوري انا واحساسي انا وراي انا وليس من دروس كتب القراة .اما بخصوص كرهك لمصر و ما يدل عليها فهو رأي خاص جدا يدل على فقد الانتماء سيدى ارجو ان تعيد النظر في شخصيتك مرة اخرى و في هويتكفلا امان لمن لا هوية له بالمناسبة فانا حين اتكلم عن بلدى اصبح اكثر جمالاو الاختلاف في الراي لا يفسد للود قضية
2:09 PM

admelmasry said...
علي فكرة ..بناء علي كلامك ده يا سيد مارك فان كل المصريين .. كلهم ماعدا انت طبعا ما بيحبوش مصر لان كل المصريين ما بيحبوش مصر في الاغاني الوطنية ولا بيحبو سيارتها الافرهه ولا القصور في الساحل الشمالي ولا الفلل في الزمالك ولا اراضي الاستطصلاح في توشكي ولا مصانع وشركات الخصخصة اذن فكلنا عزيزي مارك بلا هوية وطبعا كلنا بلا امان في وجهة نظرك اذن لماذا تكتب لنا .. ولماذا تخاطبنا اذن .. المفروض او ما ينبغي عليك انا تفعلة ان تنجوا بنفسك مِن مَن لا امان لهم .. حتي لا تخسر حياتك في لحظة خيانه هذا ما فهمته من كلامك احجب ان اضيف من يكره مصر حقا .. مصر التي وصفتها للتو .. ووصفها احمد حسن قبلب هم اللسكان الاصليون للبلاد الذين بالكاد يملكون قوت يومهم لامجال عندهم للتفكير في حب او ماشابه كل التفكير فقط .. كيف اعود لاولادي بالطعام في المقابل تجد عزيزي من تدافع انت عنهم يسكنون القصور ويركبون القصور ايضا وياكلون ما لز وطاب هنيئا لك ايها المصري المسلوخ عن جلدك هنيئا لك بالولاء التام لهؤلاء لعل وعسي قد تنال من فتاتهم شيء يجعلك تعيش احسن حالا من ذي قبل صدقني .. ليس انا او احمد حسن في حاجة الي اعادة نظر في شخصياتنا .. انت الذي في امس الحاجة الي ذلك ارجوك قبل ان تاخذك شهوة الرد السريعاو التهور تريس قليلا واعقل الامر بداخلك وتذكر كم لاقت اهالينا المر والاهوال في كافة العصور التي مرت علي هذه البلد بدايه من بدء الخليقة منذ الفراعين الاوائل .. حتي ذلك العصر المشئوم .. ذل وهوان وحكم بالكرباج وحكام اعتبروا انفسهم الهة وحكام لا تأخذهم فينا شفقة او رحمة واحتلال لا يهمه غير مصلحة بلاده الا يدعوا كل هذا التاريخ لكراتهية مثل هذه البلاد .. التي اعتادت دوما علي قتل ابناءها اتريد امثالا .. ام انك تعرف ؟
3:32 PM

سندباد مصري said...
اااااااااااهطيب
11:02 PM

change destiny said...
و غربة جوة الوطن و حلم يصبح وطنمنير قالها و بيتهخيألي عنده حق
8:35 PM

marktwain said...
صديقي ادم انا لم اتهم احد باخيانة و قد يكون خانني اللفظ في النهاية انا لم اقصد ان نحب من يغتلون و يخربون في بلدنا , لكن ... هناك احساس عام من عدم الاهتمام بهذه البلد هذا ما كنت اقصده , انا ضد كل من يحاول ان يقض علينا سواء من الداخل او من الخارج , و كما تعلم ان لكل من اتجاهه في الاصلاح انت تريد الثورة و انا اريد الحل السلمي , التغير الذي يبدأ من داخلنا . صديقي العزيز انا لا ادعوكم لحب ما يحدث و حب كل النهبين لخيراتنا و لكن ادعوكم لحب هذا الوطن من ارض وشعب , ادعوكم للثورة على كل من يهين هذا الشعب و هذه الارض و على كل من يحاول ان يخرب فيها . انا لا ادافع عن اتجاه سياسي او اهاجم اتجاه سياسي , فقط ربيت على حب هذه البلد حب مثلما عرفه القدماء الذين عُذبوا من الحاكمين لها فثاروا علي الحاكم و ليس على البلد .كان داغعهم حب البلد وليس الحقد على هؤلاء لانهم ليسوا منهم .لذا فلتعيد انت تفكيرك مرة اخرى .
3:54 PM

marktwain said...
صديقي ادم انا لم اتهم احد باخيانة و قد يكون خانني اللفظ في النهاية انا لم اقصد ان نحب من يغتلون و يخربون في بلدنا , لكن ... هناك احساس عام من عدم الاهتمام بهذه البلد هذا ما كنت اقصده , انا ضد كل من يحاول ان يقض علينا سواء من الداخل او من الخارج , و كما تعلم ان لكل من اتجاهه في الاصلاح انت تريد الثورة و انا اريد الحل السلمي , التغير الذي يبدأ من داخلنا . صديقي العزيز انا لا ادعوكم لحب ما يحدث و حب كل النهبين لخيراتنا و لكن ادعوكم لحب هذا الوطن من ارض وشعب , ادعوكم للثورة على كل من يهين هذا الشعب و هذه الارض و على كل من يحاول ان يخرب فيها . انا لا ادافع عن اتجاه سياسي او اهاجم اتجاه سياسي , فقط ربيت على حب هذه البلد حب مثلما عرفه القدماء الذين عُذبوا من الحاكمين لها فثاروا علي الحاكم و ليس على البلد .كان داغعهم حب البلد وليس الحقد على هؤلاء لانهم ليسوا منهم .لذا فلتعيد انت تفكيرك مرة اخرى .
3:54 PM

admelmasry said...
انهي بلد ؟فكرني علشان كده علشان مش فاكر قصدك مين ؟اوعي تقولي مصر .. لحسن مش لايقة يابني احنا الواحد... لو غير مكان نومة يابني .. ما بيجلوش نوم عارف ليه ..؟ لانه بيحس بالغربة بلد ايه اللي بتتكلم عنه ؟يابني مصر لكل واحدفينا هي المحيط الضيق قوي .. بين ماما وبابا واخويا والمدرسة غير كده ما نعرفش حد .. ومانعرفش نعرف حد ما اتعلمناش من زمان واحنا بيقولولنا في المدرسة اوعي تروح ورا واحد يقولك تعالي اوديك لبابا من زمان والبلد دي مجرد الشارع اللي انت ساكن فيه عملتلك ايه مصر اللي انت بتتلكم عنها ؟ازعي تقولي مجانية التعليم واوعي تقولي ما تقولش ايه اديتنا مصر قول هندي ايه لمصر ياابني اي علاقة حب بين اتنين قايمة علي التبادل في العطاء خد وهات .. لو فيها خد بس او هات بس تبقي اسمها استغلال ولازم وختما وضروري بل من الاساسيات ان الوطن يدي اكتر ما بياخد .. عليشان يحصل عند الناس الشعزر بتاع عظمة الوطن لكن لما يبقي الوطن ابن قحبة ... عايز الناس تحبه بامارة ايه ؟بامارة الاغاني ؟اسأل نفسك سؤال كده هل الامريكي بيحب بلدة هل الاسرائيلي بيحب بلده ؟الاجابة طبعا اه منطقي جدا انك تسأل .. طب ليه ما بيغنيلهاش ؟
7:49 PM

marktwain said...
صديقي العزيز اديماولا انا مش ابنك و انت عارف فارق السن كام ثانيا منتهى الانانية انك تتطلب مقابل لحبك لان عادة الانسان لما يحب بيحب لمجرد الحب و مش مستني مقابل يعني مثلا اخوك الصغير او اختك الصغيرة بتحبها ؟ ليه هما ادوك ايه عشان تحبهمثالثامين اللى قالك ان الامريكيين و الاسرائلين بيحبوا بلدهم قوى كده سالتهم؟!
5:13 PM

admelmasry said...
المفاجئة اه سألتهم ههههههه
9:22 PM
غادة الكاميليا said...
أنا بقى معملتش زيكم خالص ل أخدت بالي أنا خدت إيه ولا هدي إيه كل اللي باخدبالي منه إني وانا بكتب من بيتي الكلام ده في ناس كتير في مصر بتاعتنا مش لاقيين يتعشوا ومتقوليش محدش بنام من غير عشى لأ بقوا يناما ويقوموا ويخرجوا في الشوارع من غير لقمه علشان مصر عنده شوية ناس معاهم حصانه خدوها في حجرهم مكن أسأل سؤال هي مصر إيه غير شوية الناس اللي عندهم حصانه ؟ أنا بحب مصر بس بحب الناس أكتر وخصوصاً اللي مش لاقيين حته يناموا فيها أما بالنسبه للحب التاني تقريباً معظم الناس دلوقت بقى مكان قلوبهم حتة بلاستيك جواها عربيه وشقه وفلوس في البنك
12:42 AM

marktwain said...
انا متفق معاكم ان البلد فيها فساد وفيها ناش مش لقيه تاكل وقابلت ناس كتيير من النوعية دىبس الحل ايه ؟ و محدش يقول يمشوا و الكلام اللي بيتقال من غير فايدة اكيد ح يجي يوم و الناس دى ح تمشي بس اللي حيجي بعدهم ايه ؟ انا اللي عايز اقوله ان احن ا داخلين علي مرحلة ما يعلم بيها الا ربنا ـ في اصلاح ابتدى بس ببطئ علشان كده مش حاسينه ـ انا مابقلش و افقوا على النظام او متوفقوش انتوا احرار بس اللي عايزه و اللي نفسي فيه ما اسمعش كلمة " هي عملت لنا ايه البلد اللي ماتو في 67 و 73 البلد كانت عملت لهم ايه عشان يضحوا بحايتهم عشانها .البلد مش عجباك يا تساعد في تغيرها يا تسبها و دور على غيرهاسيبك بقى منها ودور على غيرها مش هى اللي اهانتك و هى اللي سجنتك ارحل بقى عنها و دور على غيرها
7:26 PM

tamer said...
اتفق معاك تماما فيما كتبتوالحب الصادق فعلاا هو حب العطاء دون مقابلالحب لايحتاج الى كلام او شعارات بل الى عمل وجهد دون كلل او مللل لتشعر من تحب انك تحبة سواء كان حب عاطفى او اخوىربنا يوفقكالى الامام
10:16 PM

admelmasry said...
هو ده اللي قدريت عليه امشي ؟ادور علب غيرها ؟يابني الناس فس 68 أو 73كانو بقولو الله اكبر في حرب بيقولو انها بين المسلمين واليهود ياعني الحماس اللي كان فيها نابع من عقيدة وليس انتماء للوطن كما تزعم الي غادة الكامليا ـــــــــــــــــتعرف ان انا واحد من الناس دول اكيد انت شوفتني
3:44 PM

marktwain said...
ياعم ادم انت من اى ناس اللى قلوبهم بلاستكثم انت مالك باعقيدة و الكلام ده انت مش مؤمن بالعلمانية
6:47 PM

وجهة نظر 3

التشاؤم......... كلمة بسيطة جدا أو هى حالة تصيب الكثير لعدم قدرته على التأقلم مع ما يحيطه , انا لست فيلسوف دعونا نتفق على ذلك. التشاؤم من وجهة نظرى هو ذلك الطريق المظلم الذى نمشى فيه دون ان ننتظر نهايته او نفكر في ماذا تكون نهايتهه ـ أكيد سوده ـ . اما المتشائم ـ اسمحوا لى ان اعود الى الوراء قليلا الى تعريف المتفائل و انه الشخص الذى يرى نور خافت فى نهاية النفق المظلم ـ فهو الشخص الذى يحاول ان يطفئ هذا النور. لن اتحدث كثيرا عن هذا التشائم حتى لا يرمى بظلاله علي. اليوم سأغير مجرى الحديث تماما .... الحب ذلك الكلمة الصغيرة ماذا تعنى ؟ وماذا تعنى لك ؟ و ماذا تريدون فيمن تحب ؟ انتظر ردكم ..... ألى اللقاء في السؤال القادم
قلبي مليان تخابيط
خلاني مشيت
ابص على كل بيت
يمكن القى حبيبتي
ف شباك من الشبابيك
شبابيك كتير عليها بصيت
و حبيبتي ما بانتش
و بيوت كتير عديت
و حبيبتي ما بانتش
مشوار طويل و مشيت
و حبيبتي لسه ما بانتش
قصور كتير وبنيت
ع الميه و كأني ما بانتش
ما بقتش عارف
حبيبتي كانت حقيقة
و الا ما كنتش

التعليقات

sasha said...
الحب ماذا تعنى ؟! هى الحياة . . هى التفاؤل . . هى الحاجة اللى بتخالينا نحس بجد نحس أى حاجة حتى لو كانت صغيرة . . نشعر بالجمال حوالينا و نقول الله . . نتنازل عن الحاجة العزيزة و الغالية و احنا مش زعلانين . . ندى و احنا حاسين اننا لسه مااديناش كل حاجة . . اننا نحس ان أجسادنا ذابت و اننا روح حالمة طوافة النسيم يداعبها . . الشمس توردها . . و القمر يتوجها . . ياه الكلام مش عايز يخلص . أما اللى بالى بالك هو/هى اللى ينطبق عليهقدام عيونك لاقيتنى بقول يا ريتنى أفضل معاك . . و بتيجى دايما فى بالى مااعرفش مالى من يوم لقاك . . . و انا ايه وياك بشتاق و بتوه فى كلام بفولوه و شايلوه جوايا . . على طول وياك على طول و لأخريوم فى عمرى ها تبقى ويايا .
9:31 PM

admelmasry said...
ماشي ياعم الشاعر ما دخلتش بيها ليه المسابقة دي ولا ايه؟ثم تعالي هنا انت ايه حكايتك مش ناوي تطلع من دول يا ابراهيم يا نصر
11:44 PM
...دنيتي said...
ممممممممممبتهايئلي اتفضل عندي في البلوجر هتعرف رأيي
1:01 AM

change destiny said...
الحب شيء لا وجود له
1:55 PM

sasha said...
ايه ليه كده بس أخبالر سيكشن الجيولوجيا ايه . . ما أعتقدش ان اللى يكتب الكلام ده و بالاحساس ده يقول كده . يا عنى على الأقل أكيد فيه حد فى الدنيا ديه انت بتحبيه ماما . . . بابا . . اخواتك . . اصحابك . . تدويناتك . . أغنيه معينة كل ده حب . . فازاى مش مو جود . .
11:33 PM

admelmasry said...
راح اغير المحتوم كلام من ورا قلبك ..بلاش تقاوحي وتقولي كلام جرايد للكتابة بس
4:03 PM

marktwain said...
sasha شكرا ليك على الكلام الحلو ده اللى باين من وراه رومانسية عالية قوى دنيتي..من الو اضح انك اضحدرتى قوى فيهchange destinyوده رايك من زمان و الا بعد ما جربت الحب؟على العموم العيب مش في الحب , فى ناس تانيهحبيبي ادم بطل طريقة مش عشان خدت اول جامعة يعنى يالا من نفسك ما انت عارف لو انا كنت دخلت المسايقة على فكرة يا جماعة ادم حصل على المركز الاول في مسابقة الزجل على مستوى الجامعة و حصل برده على المركز الثالث على مستوى الجامعة في مسابقة الطالب المثالي مبرووووووووووك يا عم
7:03 PM

change destiny said...
بعد اذنك يا مارك . حارد على اللي ردوا علية . يا ريت متضايقشSasha : كلام السكاشن مدهون بالزبدة . :) بهزرلا يا ساشا . أنا شايفة ان البني ادم فينا من أول ما بيتولد بيقلوله ان في حاجة جميلة جدا اسمها الحب و يشربوه في قصص الغرام و الهيام . فبيكبر مقتنع بوجود الحب و اراديا أو لا اراديا بيدور عليه . فأول ما تستريحي نفسيا لحاجة أو لحد تعتبري انك بتحبي .و تقنعي نفسك انك بتحبي . مع ان الطبيعي ان تكوين كل واحد فينا يرتاح لحاجة غير التاني . البني ادمين خدوا شوية حجات و سموها حب .علاقتي بمامتي دي علاقة الاحتياج و الثقة و الأمن و الراحة و حجات كتيرة بس مش حب آدم : اثبت وجوده بالمنطق و أنا أصدقكمارك : ازاي أجرب حاجة مش موجودة ؟ :)آدم : اثبت و
7:38 PM

sabrina said...
to change desitny,في ناس كثيرةعاشت عمرها من غير ماتقابل الحب وفيه ناس قابلتة مرة واحدة فقطوناس تحس ان اي شخص معجب بيها دة حب لأنها تحب تعايش نفسها في المود دة ولكن المؤكد عندنا ماقالة الله عز وجل ان فية مودة(دة حبورحمة
3:12 PM

marktwain said...
صديقتي change destinyالحب هو تفاعل بين قلبين يبعث فى الجسد الحياة كما الربيع حينما يدفع الحياة في المروج هذا هو الحب انه موجود ولكن لكى تجديه لابد ان تكونى على استعداد لاستقباله ولا تبحثي عنه فانك ستجدى نفسك فجاة في قلبه
7:14 PM

admelmasry said...
ايه مال اناس جايبة سيرتي وسيرة ولادي ليه ؟مالكم بالبني ادم والبني ادمين
9:14 PM

وجهة نظر2

التفاؤل..!!! كلمة سمعناها كثير جدا , الا انها بالنسبة للبعض ـأو الكل من وجهة نظر البعض ـ مجرد اسطورة كأساطير الف ليلة وليلةو لكن ............ دعو نا نعرف ما هو النفاؤل ـ من جهة نظري بالطبع ـ التفاؤل باختصار شديد جدا هو النور في اخر النفق المظلم هذ1ا هو التفاؤل تخيلو لو اننا لم نر هذا النور ؟ بالتاكيد لن نكمل المسير لاننا نرى ان النفق مغلق لماذا لا نتخطي كل تلك المشاكل التي لو تفائلنا او صبرنا قليلا لكنا توصل الى حل لماذا دائما ساخطين لا على كل شئ لدرجة اننا اعتدنا ان نتوقع السؤ في كل شئ قبل حتى حدوث هذا الشئ . حقيقةً ان كل ما مر علينا من احداث هى من سببت كل هذا الا انى ارى الامر سيتحسن و قد لامست الكثير من التحسن في اشياء شخصية و المشكلة الحقيقة فينا نحن اذا تعرضنا لفشل ياسنا و صمتنا و اذا تعرضنا لاضطهاد صمتنا و لعنا و الكل . ولكن جربنا و قلنا عن هذه المشكلة او هذا الاضطهاد. هناك قاعدة تقول " لا شكوى لا اخطاء" تفاؤلوا فان الغد ليس اسؤ من اليوم . فليجرب كل منا لحظة واحدة يتفاءل فيها خض موضوع يهمك بروح التفاءل و الجد و لتى ماذا سيحدث و ان فشلت عد وكرر مرة اخرى. لننتقل لسؤال اليوم و هو عكس ما سبق .... ما هو التشائم ..؟ و من هو المتشائم...؟ و ما السبب في هذا التشائم؟ انتظر ارائكم و لنلتقي مع السؤال القادم


sasha said...
التشاؤم . . ياه كلمة تحمل مقاييس مختلفة . فيه ناس بتتشائم من حاجات معينة زى يوم الثلاثاء مثلا . فيه ناس بتتشائم من الدنيا نتيجة حالة احباط أو ظروف عاشيتها . . و فيه تربت على التشاؤم يعنى الأهل غرسوا فيهم ده . و فيه ناس كانت فاكرة الحياة وردية زى ما اتعلمنا فى الكتب و بعدين اصطدمت بالمجتمع و الصدمة كانت شديدة فاصبحوا متشائمين . . و فيه ناس ذاقت طعم النجاح حتى أصبحت لا تعرف عنه بديل و عند أول زلة قدم تصبح متشائمة .
9:20 PM
...دنيتي said...
مممممممممممممممممميمكن إن تكون في عقبات كتير في حايتنا وده طبيعي جدابس التشاؤم هوان ميبقاش عندنا امل في ربنا انه يصلح كل حاجةعن نفسي كل ما بحس اني متشائمة أفتكر الحديث القدسي اللي بيقولأنا عند ظن عبدي بي إن خيرا فخير و إن شرا فشروبس
1:07 AM

sabrina said...
لو أن التفاؤل أن أخر الظلمة نور يبقي التشاؤم أن أخر الظلمة برضة ظلمةوأزاى أنت بتسأل عن معناه وأنت صديق لأدم
3:12 PM

admelmasry said...
ايه ياعم انت عامل فيها طارق علاااام لا ده حتي ما حصلتش طارق علام ... علي الاقل طارق بيدينا فلوس لما بنجاوب صح انت هتدينا ايه انت عاملنا فيها مفيدفوزي !!!!.. اه تصدق راكبة دي مرة تفاؤل ومرة تشاؤم ...تيه ياعم انت ايه فينك من الدنيا انت مش عايش انت مش حاسس باللي بيحصل حواليك فيه اكتر من الحالة اللي احنا عايشنها دي تشاؤم عايز تعرف التشاؤم ؟وقبليها كنت بسأل عن التفاؤل ماشي ياعم !!!!!!بص التفاؤل انك تعيش طول عمرك تحلم بان الريس ده بشر زينا ...ممكن يجي عليه يوم وربنا ياخد اجلة ..وممكن ان ربنا يحاسبة يوم القيامة زينا ..ولو كانت سيئاته كتير ممكن يخش النار ... اما التشاؤم ياعزيزي انكتكون متأكدمية في المية انك بتحلم وحلمك ده مش هيتحقق وانت عايش حتي علي الاقل ... 6:21 PM


change destiny said...
اليومين دول التشاؤم هو الواقعية

وجهة نظر 1

سؤال اليوم ......؟!ما هو التفاؤل؟......
منتظر ردكم نلتقي مع السؤال القادم


admelmasry said...
ماشي يا سيدي ع التسيييحة الجامده ديه خد عندك بقي التفاؤل دي كلمة شالتها الحكومة اللي انت بتدافع عنها من قاموس الحياة اصلا ياعني لما رئيس دولة يقعد في الحكم 25سنه يبقي فين التفاؤل امتي الواحد هيحلم انه ممكن في يوم م الايام يبقي وزير مثلا اذا كان الكرسي ما اتغيرشي بقاله خمسة وعشريين سنه ازاي الواحد ممكن حتي يجيلة خاطرة انه ممكن يترقي في شغله اللهم الا بالحظ ياعم خلي الطابق مستور صدق او لاتصدق كل مشاكل المصريين المزمنه واللي مش مزمنه بسبب ان الرئيس قاعد في الحكم خمسة وعشرين سنه
10:41 PM

change destiny said...
التفاؤل هو التأمل في رحمة الله
6:14 AM
Taher said...
التفاؤل هوالاعتقاد بان المستقبل مشرق
6:18 PM

ETFOKHS said...
لأ مالكش خق تسأل سؤال بالألفاظ ديه على البلوج
1:46 AM

sabrina said...
التفاؤل انك تحس ان بكره أحلي باذن الله بالرغم من الظروف اللي خنقك دلوقتي
11:34 PM

admelmasry said...
احلي رد بصراحة هو بتاع الاستاذ العبقري معلم الاجيال اتفوخس ( لا مالكش حق تسأل سؤال بالالفاظ دي في البلوج )
5:17 PM

sasha said...
التفاؤل ديه حالة الواحد بيعيش نفسه فيها علشان ما ينعزلش عن الناس أو يتجنن بمعنى أشمل ان الواحد لا يقنط من رحمة الله و يكفر بقه
9:25 PM
عندما قررت عمل هذا البلوج كانت فكرتى الاولى البعد التام عن السياسة و اهلها فقد ممللت الحديث عنها و اختلافاتى المزمنة معهم هم يقولون العيب في الدولة و انا اقول العيب في الشعب .فقلت ان اجعل هذا البلوج للاحلام و ايضا للاحزان حت لا يغضب الحزن منى و يكب على جم غضبه ولكن ............و اه ....من كلمة لكن هذه الحالة التى بثها صديقى العزيز (ادم ) و الذى اعرفة معرفة شخصية ـ معرفة سوده بعيد عنكم كلها كئابة ـ من خلال كلية واحدة ... المهم لن اضيع الوقت للكلام عنه فاعتقد انكم عرفتموه من كتباته .فقررت ان اطرح لكم سؤال هى في الحقيقة سلسلة من التساؤلات سأدرجها على اسابيع قادمة سؤال اليوم ......؟!ما هو التفاؤل؟...... منتظر ردكم نلتقي مع السؤال القادم..................
posted by marktwain at 8:25 AM on Mar 14 2006